Aeroporti Heathroë i Britanisë, më i ngarkuari në Europë, u mbyll këtë të premte si pasojë e një zjarri të madh në një nënstacion elektrik me pasojë ndërprerjen e energjisë elektrike dhe anulimin e qindra fluturime nga dhe drejt Heathroë. Imazhet e shpërndara në mediat sociale treguan flakë të mëdha dhe tym që dilnin nga nënstacioni në Hayes. 10 mjete dhe rreth 70 zjarrfikës luftuan me flakët në vendngjarje, ndërsa u bë evakuimi i rreth 150 banorëve që jetonin pranë nënstacionit. Në të gjithë zonën raportohet ppër 16,000 shtëpi të mbetura pa energji në zonë. Mungesa e energjisë elektrike në aeroportin më të ngarkuar në botë për udhëtime ndërkombëtare solli anulimin e 1350 fluturimeve. Në një deklaratë, vetë aeroporti bëri me dije se mbyllja do të zgjasë përgjatë gjithë ditës së premte dhe është në funksion të sigurisë së udhëtarëve por edhe stafit të aeroportit. “Pasagjerët nuk duhet të udhëtojnë drejt aeroportit në asnjë rrethanë derisa aeroporti të rihapet”, thuhet më tej në deklaratë. Janari i këtij viti ishte më i ngarkuari për aeroportin e britanisë së Madhe, me më shumë se 6.3 milionë udhëtarë, një rritje prej mbi 5% krahasuar me të njëjtën periudhë të vitit të kaluar. Janari ishte gjithashtu muaji i 11-të radhazi me një mesatare prej mbi 200.000 udhëtarësh në ditë. Mbyllja e përkohshme e Heathroë sjell në mendje vonesat e vitit 2023 në aeroportet britanike kur sistemi i kontrollit ajror i Mbretërisë së Bashkuar pësoi defekt, duke ngadalësuar ngritjet dhe uljet e avionëve në mbarë vendin.