Dy persona kanë mbetur të plagosur në zonën Golders Green të Londrës, pas një sulmi me thikë që dyshohet se kishte në shënjestër anëtarë të komunitetit hebre. Sipas dëshmive paraprake, një person është parë duke vrapuar në rrugë dhe duke tentuar të godasë kalimtarë me thikë. Organizata e sigurisë së komunitetit hebre, Shomrim, ka ndërhyrë menjëherë në vendngjarje dhe ka arritur të ndalojë të dyshuarin deri në mbërritjen e policisë. Autoritetet konfirmojnë se policia ka përdorur elektroshok për neutralizimin e tij, pasi ai kishte tentuar gjithashtu të sulmonte edhe oficerët e rendit.