Katër persona u vranë dhe të paktën tetë të tjerë u plagosën të hënën nga të shtënat nw një bankë në qendër të qytetit Louisville, Kentucky, Policisë amerikane tha se i dyshuari besohet të jetë një ish-punonjës, qw vdiq gjatë sulmit. Policia tha se ata morën një alarm herët në mëngjes. “U hasëm me agresorin”, tha nw një konferencë shtypi zëvendës shefi i policisë së Louisville, duke shtuar se sulmuesi kishte vdekur në vendngjarje. "Ne po përpiqemi të konfirmojmë nëse i dyshuari vdiq nga një plagë e vetëshkaktuar me armë zjarri apo u vra nga oficerët," tha Humphrey. Të paktën katër persona të tjerë u vranë në bankë dhe tetë, përfshirë dy oficerë policie, po trajtohen për lëndime në spitalin e Universitetit të Louisville. Dy persona ishin në gjendje kritike, përfshirë një nga oficerët. Presidenti Joe Biden, i cili po bën presion që ligjvënësit në Uashington të thyejnë një bllokim prej vitesh dhe të ndërmarrin veprime kundër dhunës me armë, shprehu zhgënjimin pas vrasjeve të fundit. Pamjet: AFP