Të paktën pesë persona u vranë në konsullatën iraniane në kryeqytetin e Sirisë, Damask si pasojë e shpërthimit të një rakete, tha ambasadori I Iranit, I cili fajësoi Izraelin për sulmin. Mes viktimave, sipas televizionit shtetëror Iranian, ishte dhe komandanti I lartë i Gardës Revolucionare, gjenerali Mohammad Reza Zahedi. Pas ngjarjes reagoi dhe ministria e Jashtme e Iranit dhe ajo e Sirisë që dënuan sulmin ndërsa thanë se fajtorët do të ndëshkohen dhe se përgjigja ndaj tyre do të jetë e ashpër. Lidhur me rastin Izraeli nuk pranoi të komentonte. Sipas BBC, ky sulm mund të përshkallëzojë konfliktin në rajon pasi është një sinjal I hapur për shtrirje të konfliktit edhe jashtë Gazës. Sipas ministrisë së Mbrojtjes së Sirisë, avionët izraelitë shënjestruan konsullatën rreth orës 17:00 dhe më pas hapën zjarr. Pamjet e shpërndara nga vendi i ngjarjes treguan tym dhe pluhur të ndërtesës së shembur. Ndërkohë shtëpia e bardhë bëri me dije se presidneti Biden u vendos në dijeni të kësaj ngjarjeje dhe se një ekip I tij po e shqyrton këtë rast. Sulmi erdhi pas ngjarjeve të regjistruara pak ditë më parë në Damask ku u vranë rreth 53 persona dhe autoritetet fajësuan edhe këtu Izraelin, që vitet e fundit ka kryer në këtë territor një sërë operacionesh ushtarake kundër grupeve të armatosura të lidhura me Iranin. Pamjet: AFP