Ukraina është goditur nga një sulm i rëndë me shënjestër civilët në Harkiv, me një bilanc të rëndë viktimash me të paktën 49, mes tyre edhe fëmijë. Ministria e Jashtme e Ukrainës njoftoi se Rusia në mënyrë të qëllimshme ka sulmuar me ambiente të frekuentuara më së shumti nga ukrainasit, përfshirë një dyqan ushqimor dhe kafene. Të lënduar kanë mbetur edhe gjashtë persona të tjerë, gjendja e të cilëve nuk dihet ende. Presidenti i Ukrainës, Volodymyr Zelensky, reagoi i indinjuar për ngjarjen e rëndë, në të cilën pretendon se ndodhi për shkak të udhëtimit dhe vizitave të tij zyrtare me liderët e Bashkimit Europian në Spanjë, teksa pretendon të sigurojë më shumë ndihma ushtarake. “Krimi brutal rus i goditjes së një dyqani ushqimor të zakonshëm me raketë është një sulm terrorist plotësisht i qëllimshëm”, njoftoi lideri i Ukrainës. Ekipet e kërkim-shpëtimit punuan për shumë orë në vendin e ngjarjes, i shkatërruar totalisht. Pamjet e rënda tregojnë se si zona e sulmuar tashmë është nën pushtetin e gërmadhave. Prokurori i Përgjithshëm ukrainas ka nisur një hetim të plotë, teksa I akuzuari kryesor për krime lufte mbetet Rusia. Pamjet: AFP