Suedia u bë zyrtarisht pjesë e Nato. Kreyministri suedez Ulf Kristersson I dorëzoi këtë të enjte dokumentacionin për anëtarësim kryediplomatit amerikan Antony Blinken. Cermonia u zhvillua në departamentin e shtetit, ndërsa vet Blinken përshëndeti anëtaren e 32-të aleancës euroatlantike, ndërsa e quajti një zhvillim historik. “Gjërat e mira u ndodhin atyre që kanë durim”, tha Blinken I cili shtoi më tej se çdo gjë erdhi si rrjedhojë e agresionit rus në Ukrainë. “Suedezët kuptuan diçka shumë të rëndësishme: nëse Putini dëshiron ta fshijë nga harta edhe një fqinj tjetër, ai mund të mos ndalet me kaq”, nënvizoi ai. Ndërkohë kryeministri suedez tha se ky është fillimi I një ere të re historike për politikën e sigurisë së Suedisë. Për NATO-n anëtarësimi i Suedisë dhe Finlandës, që ndajnë një vijë kufitare prej 1,340 kilometrash me Rusinë, përfaqëson zgjerimin më domethënës të Aleancës për dekada të tëra. Anëtarësimi i tyre është edhe goditje për presidentin e Rusisë, Vladimir Putin, i cili tani përballet me një zinxhir pothuajse të pathyeshëm të anëtarëve të NATO-s në perëndim të vendit të tij, nga Deti i Zi deri në Arktik. Rusia nga ana tjetër ka kërcënuar se do të marrë masa politike dhe ushtarako-teknike ndaj Suedisë por ende nuk ka dhënë detaje se cilat do të jenë këto hapa. Në muajin janar Turqia miratoi kërkesën e Suedisë e më pas në shkurt ishte Hungaria vendi I fundit anëtar që dha aprovimin për kërkesën e paraqitur nga qeveria suedeze. Pamjet; AFP