Stuhitë e frikshme të rërës në Lindjen e Mesme kanë vijuar duke mbuluar kryeqytetin e Bahrain, Manama. Në disa shtete të rajonit këto fenomene kanë ndaluar fluturimet, kanë mbyllur shkolla dhe kanë dërguar në spital qindra persona. Arabia Saudite u prek të martën nga vërshimi i pluhurit që ngadalësoi trafikun dhe bënte të vështira të dukeshin qiellgërvishtësat e kryeqytetit Riad. Qendrat meteorologjike parashikonin "erëra të ulëta me pluhur" që vijnë nga lindja dhe shkojnë drejt Medinës. Vende të tjera të rajonit po përballen prej një kohe të gjatë me fenomenin e rrallë. Iraku fqinjë përballet me stuhi të tilla prej muajit që shkoi, çka ka shtuar thatësira dhe rënie të nivelit të reshjeve. Stuhia e rërës që përfshiu Bagdadin dërgoi qindra njerëz në spital dhe solli mbylljen e shkollave e aeroporteve në disa rajone.