“Të kesh mishngrënës që konsumojnë shumë në Mbretërinë e Bashkuar që të heqin një pjesë të tij nga dieta e tyre do të ishte njësoj si të hiqnin 8 milionë makina nga rruga”, kështu thuet në raportin e bërë së fundmi nga studimi i Universitetit të Oksfordit. Ky është vetëm një nga gjetjet e hulumtimit më të ri që shkencëtarët raportojnë se ende ajo që në konsumojmë ndikon në planetin tonë. Studimi i Universitetit të Oksfordit është i pari që zbulon ndryshimin që dietat me mish të lartë dhe të ulët kanë në emetimet e gazeve serrë. Sipas studiuesve nëse sasia e mishit që konsumojnë britanikët do të ulej, ndryshimi do të ishte i vërtet të madh. Por kjo nuk do të thotë të zhduket përfundimisht konsumimi I mishit gjatë dietave. Në mbikëqyrje u morën 55 mijë persona, të cilët konsumonin sasi të ndryshme mishi në përditshmëri, tashmë i vërtetuar se ka pasoja më të mëdha se sa ngrënia e perimeve. Sipas BBC hulumtimi tregon se dieta e një mishngrënësi që konsumon shumë, prodhon mesatarisht 10.24 kg gazra serë që ngrohin planetin çdo ditë. Një mishngrënës i ulët prodhon pothuajse gjysmën e asaj me 5.37 kg në ditë. Dhe për dietat vegane, është përgjysmuar përsëri në 2.47 kg në ditë. Analiza është e para që vërteton ndikimin e detajuar të dietave në masat e tjera mjedisore të gjitha së bashku. Këto janë përdorimi i tokës, përdorimi i ujit, ndotja e ujit dhe zhdukja e specieve, të shkaktuara zakonisht nga humbja e habitatit për shkak të zgjerimit të bujqësisë. Një studim i veçantë i botuar gjithashtu në Nature Food në 2021 arriti në përfundimin se prodhimi i ushqimit ishte përgjegjës për një të tretën e të gjitha emetimeve globale të gazeve serrë. Pamjet: AFP