Shkencëtarët kanë zbuluar se peshkaqenët përdorin fushën magnetike të Tokës, si një lloj GPS natyral, për të udhëtuar në distanca të largëta përgjatë oqeaneve të botës. Hulumtuesit thonë se eksperimentet e tyre laboratorike detare me specie të vogla peshkaqenësh konfirmojnë spekulimet e kahershme se peshkaqenët përdorin fushat magnetike për t’u orientuar. Kjo veti është vërejtur edhe tek kafshë të tjera si breshkat e detit. Studimi u publikua këtë muaj në revistën “Current Biology”. Studimi hedh dritë gjithashtu edhe mbi pikpyetje të tjera, se pse peshkaqenët janë në gjendje të përshkojnë detra të tëra dhe të gjejnë rrugën e kthimit, të gjejnë prenë dhe të shumohen. Sinjalet e para mbi këtë fenomen sipas revistës Science erdhën që në 2005-sën, kur një peshkaqen i mad hi bardhë u gjurmua teksa notonte nga Afrika e Jugut drejt Australise në një vijë të drejtë thuajse perfekte, cka i bëri shkencëtaret të dysnonin se peshkaqenet kanë një ndjesi magnetike që i ndihmon në orientim, por shumë pak kërkime ishin bërë që prej atëherë në këtë drejtim.