Niko Peleshi në një intervistë për Top Channel jep detaje të reja për iniciativën më të fundit të qeverisë në shtimin e transparencës dhe komunikimin me qytetarët ku përfshihet edhe parlamenti. Me dy fjalë, kemi një ligj të mirë për të drejtën e informimit publik, por nga ligji deri te zbatimi ka nevojë për përmirësim. Sepse sot, opinioni publik, gazetarët, të gjithë të interesuarit janë mësuar ta kenë informacionin në kohë reale, edhe për shkak të teknologjisë, kanë smartfonin në dorë, ndërkohë që ligji i informimit publik ka afatet e veta. Nga ana tjera, platforma e komunikimit me informacionin, aksesi për informacionin të gjerë, është disi i dalë kohe. Të presësh afatet që i dimë, që nuk janë të ekzagjeruara, por stonojnë. Qeveria synon të rindërtojë një kullë informacioni, ku aksesi është në kohë reale. Një Open Data për gjithçka që ndodh, në mënyrë që të aksesohen në kohë reale. Kjo ndihmon edhe në përfshirjen e publikut me një vendimmarrje në kohë reale. Besoj se do ta bëjmë Shqipërinë me qeverisjen më transparente në Ballkanin Perëndimor. Niko Peleshi e shikon shtimin e transparencës si të dobishme edhe për opozitën. I pari grupit parlamentar socialist edhe njëherë tjerë ia shtriu dorën opozitës për tju bashkuar iniciative në shërbim të integrimit evropian.