NATO mund të bënte më shumë për të parandaluar luftën në Ukrainë: POhimi vjen nga vetë sekretari i përgjithshëm i aleancës, Jens Stoltenberg, i cili pranoi se aleanca duhet të ishte angazhuar më shumë për të armatosur këtë vend e për të tentuar parandalimin e pushtimit të saj nga Rusia, që nisi në vitin 2022. “Tani ne ofrojmë pajisje ushtarake për luftën – atëherë, ne mudn të kishim ofruar pajisje ushtarake për të parandaluar konfliktin”, pohoi shefi në largim i NATO-s për gazetën e përjavshme gjermane, FAS. Hezitimi i aleancës për të ofruar armë që Kievi kërkonte para nisjes së pushtimit i detyrohej megjithatë sipas tij, se tensionet me Rusinë do të përshkallëzoheshin rrezikshëm. Ish kryeministri i Norvegjisë, do të largohet nga drejtimi i NATO-s tetorin e këtij viti. Shef i ri i saj është emëruar kreu i ekzekutivit holandez, Mark Rutte, rivali i vetëm it ë cilit për këtë post, presidenti rumun Klaus Iohannis, u tërhoq nga gara pasi nuk arriti të siguronte mbështetje të mjaftueshme. Rutte, që do ta marrë detyrën e sekretarit të Përgjithshëm të aleancës ushtarake nga 1 tetori, është shprehur se pret me padurim të nisë punën e re me “entuziazëm të madh”.