Jens Stoltenberg është shprehur kundër planit të Polonisë për të përdorur sistemet e mbrojtjes ajrore me qëllim rrëzimin e raketave ruse mbi territorin e Ukrainës. Lajmin e përcjellin mediat ukrainase, sipas të cilavë, kreu i aleancës më të madhe ushtaraeke të globit e ka ripohuar mbështetjen e saj për vendin e përballur prej tre vitesh tashmë me agresionin rus. “ Por politika e NATO-s është e pandryshuar, ne nuk do të përfshihemi në këtë konflikt. Ne nuk do të bëhemi pjesë e luftës. Pra, ne mbështesim Ukrainën në shkatërrimin e avionëve rusë, por NATO nuk do të përfshihet drejtpërdrejt”, citohet të ketë thënë ai. Stoltenberg e mbështeti sidoqoftë qëndrimin se “Ukraina ka të drejtë të sulmojë objektivat legjitime ushtarake në territorin e Rusisë, vendit agresor” dhe vuri në dukje se “vende të ndryshme kanë vendosur kufizime të ndryshme në përdorimin e armëve që i ofrojnë Ukrainës”. Sekretari i Përgjithshëm i NATO-s përshëndeti po ashtu dritën jeshile të SHBA-së për të përdorur raketa amerikane për të goditur territorin rus pranë kufirit me Ukrainën në rajonin e Kharkivit. Sistemet e raketave antitank ‘Javelin’ janë pjesë e një ndihme të re prej 275 milionë dollarësh që Shtetet e Bashkuara po i dërgojnë Ukrainës. Raketat ‘Javelin’ janë bërë simbol i rezistencës ukrainase kundër agresionit të Rusisë dhe vlerësohen nga trupat e Kievit gati si “të shenjta”.