Një stjuardesë irlandeze u urdhërua të mos largohet nga Dubai, pasi akuzohet për tentativë vetëvrasjeje gjatë kohës që ishte nën ndikimin e alkoolit. 28-vjeçarja Tori Towey u zgjua në një stacion policie pas ngjarjes, e më pas u përball me akuzat. E reja që punonte stjuardesë në Dubai kërkoi nga autoritet të kthehej në vendin e saj, teksa dyshohet se është dhunuar nga bashkëshorti i saj, i cili i kishte grisur dhe pasaportën. Kjo ngjarje shkoi deri tek Parlamenti i Irlandës, i cili diskutoi rreth këtij vendimi të Dubait, por që më pas falë negociatave u hoq. “Sapo jam informuar se ndalimi i udhëtimit është hequr, ambasada do ta çojë Torin në aeroport sapo ajo të jetë gati sigurisht që do të vazhdojnë të ndjekin rastin”, tha kryeministri irlandez Simon Harris. “Ne duam që Tori të kthehet në shtëpi. Asnjë përpjekje nuk do të kursehet nga ne për të bërë përparim në këtë çështje. Ajo nuk është kriminele, ajo është viktimë e dhunës me bazë gjinore”, shtoi kryeminsitri. Ai falenderoi ambasadën irlandeze në Emiratet e Bashkuara Arabe për punën e bërë. Çështja u ngrit në parlament nga opozita, që tha se ka një “trajtim mesjetar, dhe grotesk të grave" nga Shtetet e Bashkuara në Emiratet e Bashkuara Arabe.