Ish- Ministri i Emigracionit i qeverive konservatore britanike që tashmë si parti kanë kaluar në opozitë, pas humbjes spektakolare ndaj Laburisteve në 2024-ën, është shkelmuar nga të gjitha funksionet në atë parti, madje edhe nga partia. Robert Jenerick ishte pjesë e kabinetit hije të opozitës për cështjet e Drejtësisë dhe mbahet mënd për qëndrimet mjaft të ashpra kundër emigrantëve dhe të huajve në Britani, dhe sidomos shqiptarëve. Madje, ai kujtohet për një video virale ku u kërkonte oficerëve të emigracionit të kapnin shqiptarët kudo që ishin ne Britani dhe t’i kthenin mbrapsht nga kishin ardhur. I ashpër ka qënë edhe për Politikën e Ruandës ku në kohën e Rishi Sunak mesa duket ndjent erën e humbjes dhe dha dorëheqjen nga posti i Ministrit të Home Office. Kjo ka qënë pakashume qasja e tij politike me kalime nga një qëndrim politike drejt ekstremit kur më parë njihej se ishte kundër Brexit, njësoj si Boris Johnson. Kjo është edhe arsyeja se përse Kryeministr Starmer e cilëson largimin e tij si ikje nga një anije që po mbytet duke pasur parasyh Partinë Konservatore në opozitë e cila po përjeton një hemoragji konstante politikanësh dhe deputetë në rradhët e saj për të kaluar në Partinë Refoma të Nigel Farage, pikërisht nga ministra dhe drejtues të lartë që kanë përgjegjësi për keqeverisjen katastrofale gjatë 15 viteve të sundimit nga konservatorët e qëndrës së djathtë.