Top Channel/Stadiumi me shqiptarë në Athinë po mbushet plot,njerëzit në pritje të kryeministrit Rama

Kryeministri Rama do zhvilloje takimin e shumë përfolur me shqiptarët në Athinë sot në orën 11:00. Stadiumi po mbushet plot me shqiptarë, ku po presin fjalimin e Ramës. Vizita e tij, ka ngritur në këmbë autoritetet greke, ku nën masa të rrepta sigurie me 1000 punonjës policie, do sigurojnë mbarëvajtjen e këtij takimi. Stadiumi Galatsit është “sterilizuar” nga qen të trajnuar dhe pajisje speciale për zbulimin e mjeteve shpërthyese, si dhe po monitorohet dhe ka akses të kontrolluar. Dronët dhe helikopterët do të monitorojnë vazhdimisht zonën, ndërsa snajperët nga EKAM do të jenë në pika të përzgjedhura.