Britania e Madhe do të dëbojë atasheun e sigurisë në ambasadën ruse, pasi e akuzon për spiunazh. Raportohet se ai është një “oficer jozyrtar i inteligjencës ushtarake”. Downing Street do të revokojë gjithashtu statusin diplomatik të disa objekteve në pronësi ruse që besohet se përdoren për mbledhjen e inteligjencës. Kjo është një nga masat kundër veprimtarisë së kundërzbulimit rus, që njoftoi qeveria në Londër. Sipas, sekretarit të Brendshëm James Cleverley, se masat kanë për qëllim “aktivitete të papërgjegjshme dhe të rrezikshme nga qeveria ruse në të gjithë Evropën”. Kufizime të reja do të vendosen edhe për dhënien e vizave diplomatike për shtetasit rusë dhe për mbërritjet e tyre në Britani. “Në ditët në vijim, duhet të presim akuza për rusofobinë, teori konspirative dhe histeri nga qeveria ruse. Kjo nuk është asgjë e re, dhe populli dhe qeveria e Britanisë së Madhe nuk po bien pas kësaj”. Zëdhënësja e Ministrisë së Punëve të Jashtme të Rusisë, Maria Zakharova, përmes një reagimi, tha se vendi i saj do të përgjigjet siç duhet, por nuk ka sqaruar se si.