Një valë përvëluese të nxehti vazhdon të mbajë në darën e saj pjesë të mëdha të Europës, ku autoritetet po lëshojnë paralajmërime për shëndetin mes temperaturave ekstremisht të larta. Spanja Jugore është rajoni më i prekur, me një rekord të ri nxehtësie të vendosur në qytetin e El Granados, ku termometri shënoi 46 gradë Celsius. Shërbimit kombëtar i motit pohoi se ky muaj ka të gjithë parametrat për t`u kthyer në qershorin më të nxehtë të regjistruar ndonjëherë. Paralajmërimet e kuqe për nxehtësi janë në fuqi në pjesë të Portugalisë, Italisë dhe Kroacisë, me paralajmërime të shumta të verdha që mbulojnë zona të Spanjës, Francës, Austrisë, Belgjikës, Bosnjës dhe Hercegovinës, Hungarisë, Serbisë, Sllovenisë dhe Zvicrës. Në Barcelonë, një grua që punonte si pastruesë rrugësh, ndërroi jetë me të ndërruar turnin e vdekja e saj po hetohet nga autoritetet lokale. Në Itali, departamentet e urgjencës në të gjithë vendin kanë raportuar një rritje të rasteve të goditjes nga nxehtësia, duke prekur kryesisht “të moshuarit, pacientët me kancer ose të pastrehët. Qyteti i Bolonjës, më në veri, ka ngritur shtatë qendra klimatike me ajër të kondicionuar dhe ujë të pijshëm, ndërsa Roma ka ofruar qasje falas në pishinat e qytetit për ata mbi 70 vjeç. I nxehti i fortë ka prekur edhe vendet në të gjithë Ballkanin Perëndimor, ku temperaturat kanë arritur mbi 40 gradë Celsius. Serbia regjistroi temperaturën e saj më të lartë ndonjëherë që nga fillimi i regjistrimit të tyre në shekullin e 19-të. Në Slloveni, temperatura më e lartë e qershorit u regjistrua të shtunën. Maqedonia e Veriut gjithashtu regjistroi temperatura deri në 42 gradë Celsius. Ekspertët presin që gjatë ditëve të adhshme, temperaturat të vazhdojnë rritjen në Francë, Gjermani, Itali dhe Mbretërinë e Bashkuar.