Një email i klasifikuar i Pentagonit përmend mundësinë e përjashtimit të Spanjës nga NATO-ja, dhe arsyeja duket të jetë fakti që qeveria në Madrid, e drejtuar nga Pedro Sánchez, ka qenë kundërshtarja më e vendosur e luftës kundër Iranit, të nisur nga Donald Trump dhe Benjamin Netanyahu, dhe nuk i është bindur shumë nismave të kreut të Shtëpisë së Bardhë. Lajmin e përcjell agjencia Reuters, e cila thekson megjithatë se në plan juridik, kërcënimi i Departamentit të Luftës, i udhëhequr nga Pete Hegseth, nuk ka vlerë, pasi në 14 artikujt e Traktatit të nënshkruar më 4 prill 1949 në Uashington nuk parashikohet asnjë procedurë për të përjashtuar një shtet anëtar. Aleanca ushtarake është vullnetare, dhe, nëse ndodh ndonjë gjë, janë vetë shtetet që mund të vendosin të largohen prej saj me një vit paralajmërim. Shtypi italian nënvizon edhe ai se baza e akuzës amerikane nuk ka shumë kuptim, pasi NATO-ja mbështetet mbi qëllime mbrojtëse, dhe solidariteti ushtarak mes anëtarëve mund të aktivizohet vetëm kur një aleat gjendet nën sulm, që nuk është rasti i luftës më Iranin.