Top Channel/ SPAK vendos gjyqtarin nën akuzë! Përfitoi prona, i fshehu në emër të vjehrrit e kunatit

SPAK ka përfunduar hetimet për ish-gjyqtarin Ilir Pashaj dhe e ka dërguar për gjykim çështjen ndaj tij. Ilir Pashaj akuzohet për veprat penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim” si dhe “Pastrimi i produkteve të veprës penale ose veprimtarisë kriminale”.