Me premtimin se brenda 15-20 ditëve do ti çonin në shtetet e bashkuara të amerikës një grup kriminal prej 5 personash mes tyre dhe dy punonjës të policisë kufitare të Hanit të Hotit kishin joshur shumë shqiptarë të udhëtonin drejt SHBA duke paguar nga 20 – 45 mijë dollarë. Sipas Prokurorisë së Posaçme, veprimtaria e grupit dyshohet të jetë e mirë organizuar edhe në nivel transnacional, pasi kalimi i paligjshëm drejt SHBA-ve, rezulton të jetë kryer përmes shteteve Shqipëri-Itali- Spanjë-Meksikë-SHBA”. Hetimet kanë zbuluar deri tani se në qendër të këtij aktiviteti ishte një 56 vjeçar nga Malësia e Madhe I identifikuar si Luc Melaj, i cili krijonte kontaktet me personat e interesuar për të shkuar ilegalisht në Shtetet e Bashkuara dhe merrej “me prodhimin në kohë të shpejtë të dokumenteve të identifikimit të falsifikuar, prerjen e biletave të udhëtimit, apo dhe pajisjen me aparate celularë të rinj dhe numra telefoni sipas shteteve ku kryhet udhëtimi”. Ndërsa në hetim janë dhe 4 të tjerë mes tyre 2 efektivë të Hanit të Hotit të cilët i kalonin shqiptarët me dokumente false dhe pa i regjistruar në TIMS. Personat kalonin kufirin me pasaportat e tyre dhe në aeroportet e Spanjës nga ku kryhej tranziti drejt Meksikës dhe me tej SHBA-ve, priteshin nga shtetas të tjerë të përfshirë në këtë aktivitet kriminal, të cilët i pajisin me dokumentin e identifikimit të falsifikuar. E gjitha kjo veprimtari kryhej për jo më shumë se 15-20 ditë dhe çdo person paguante një shumë nga 20 mijë deri në 45 mijë USD”.