Prokuroria e Posacme ka përfunduar hetimet paraprake dhe ka dërguar çështjen për gjykim Gjykatës së Pasacme Antikorrupsion për ish-inspektorin e Agjencisë së Trajtimit të Pronave Ilir Kapetani i përfshirë në 22 raste korruptive me trashëgimtarë të ish pronarëve. SPAK ka dalë në konkluzionin se gjatë kërkesave që bënin për kthimin dhe kompensimin e pronave Kapetani ju premtonte zgjidhje ish-pronarëve në këmbim të parave. Pas provave të gjetura mbi Specialistin e Shqyrtimit të Dosjeve pranë Agjencisë së Trajtimit të Pronave rëndon akuza e “Korrupsionit pasiv të personave që ushtrojnë funksione publike” në 22 raste. Kapetani u arrestua me urdhër të SPAK që më 20 mars të këtij viti, ndërkohë të pandehur janë edhe qytetarët të cilët i dhanë ryshfet ish zyrtarit të Agjencisë së Trajtimit të Pronave. 17 qytetarët sipas SPAK akuzohen për “Korrupsion aktiv të personave që ushtrojnë funksione publike”.