Në Gjykatën e Posaçme u mbajt shpallja e pretencës ndaj ish-kryebashkiakut të Durrësit, Vangjush Dako aktualisht nën arrest shtëpiak. Në seancë është i pranishëm avokati i tij mbrojtës, ndërkohë që mungon Dako. Nuk janë të pranishëm edhe Shyqyri Farruku, Ardian Bulku. Prokurori i SPAK, Sotir Kllapi, kërkoi e seanca të vijojë pa praninë e të akuzuarve. Prokurori tha se hetimi nisi në 2020 për shpërdorim detyre dhe bashkë me këtë çështje u bashkua dhe një hetim tjetër mbi procedurën e prokurimit për Promanade. Siç raporton gazetarja e Top Channel, Anila Hoxha e cila po ndjek procesin, prokurori Kllapi theksoi gjatë pretencës se janë administruar dokumente në Bashkinë Durrës për lejen e ndërtimit, pranë Kadastrës dhe nga sa rezulton nga aktet administratori Farruku ka paraqitur dokumentet për zhvillimin dhe ndërtimin e një objekti shtatë kate. Së bashku me këtë dokument ka edhe shkresa të tjera për shtesë papafingo dhe mbas specialisti e studioi aty shtohet edhe studimi sizmik. Në datën 10 shtator 2010 është miratuar pa papafingon. Në 20 dhjetor 2010 pa filluar ndërtimi subjekti ka paraqitur kërkesë për shtesë.