Spak bën bilancin zyrtar të operacionit që ka goditur 7 grupe të strukturuara kriminale me fuqi të konsiderueshme që operonin në disa nga qytetet kryesore të vendit si Tiranë, Durrës, Vlorë, Lezhë, Fushë Krujë dhe Rrëshen. Operacioni i Drejtuar nga SPAK dhe i dakortësuar me Europol zgjati për rreth 20 orë, ku u angazhuan afërsisht 30 hetues të BKH-së, forcat RENEA, Policia e Shtetit. Gjatë këtyre veprimeve hetimore u ushtruan kontrolle në rreth 50 ambiente banimi. Gjatë ekzekutimit të vendimeve të gjykatës janë gjetur dhe sekuestruar në cilësinë e provës materiale pasuri me vlerë të përafërt mbi 4,5 milion Euro. Masa arrest me burg u caktua për 50 persona. Nga këto urdhër arreste, 14 prej tyre janë ekzekutuar në Shqipëri dhe 6 jashtë vendit ku falë bashkëpunimit të Interpol Tirana me homologë të tyre është bërë e mundur arrestimi i shtetasve shqiptarë në Itali (2 persona), Gjermani (1 person) dhe Spanjë (1) dhe Belgjikë (2). Gjatë aksionit janë zbardhur disa vrasje dhe tentativa për eliminim fizik. Hetimi ka nxjerrë në pah veprimtarinw e grupeve kriminale ishin në gjendje të paguanin shuma të mëdha parash me qëllim realizimin e vrasjes të kundërshtarëve të tyre. Mënyra e kryerjes së veprave penale tregon gjithashtu një shkallë shumë të lartë organizimi dhe rrezikshmërie shoqërore.