Space X anuloi nisjen e raketës gjigante nga Teksasi për shkak të një problemi me valvulën e sistemit, e cila nga presioni i forcuar kishte ngrirë. Numërimi mbrapsh për ngritjen e raketës më të fuqishme të ndërtuar ndonjëherë dështoi, ndërsa pritet që të provohet sërish nisja pas disa ditësh. Ekipi që monitoronte situatën e kuptuan që kishte diçka që nuk shkonte me sistemin e raketës. Vetëm pak minuta më pas ata ngritën alarmin, duke e anuluar sfidën. Gjiganti 120 metra është projektuar të ketë dyfishin e shtytjes së çdo rakete në histori. Starship është ndërtuar nga kompania Space X e sipërmarrësit amerikan Elon Musk. Synimi i ekipit ishte që të fluturojë në drejtim të lindjes dhe të përfundojë një qark të globit për rreth 150 minuta. Kjo nuk është hera e parë që nisja e raketave është përballur me problematika, të cilat kanë kërkuar kohë të zgjidhen. Edhe më parë sipërmarrësi amerikan ka tentuar të ngrejë raketa, për të cilat investimet nuk kanë munguar.