Dita e sotme ngjante me ditën e parë të shkollës, megjithëse për pak javë mbyllet viti shkollor. Rrugët dhe shkollat kishin më shumë nxënës, se zakonisht. Kjo pasi duke nisur nga sot, datë 4 maj, u rikthyen fizikisht në shkolla ccdo ditë të javës, të gjithë nxënësit e sistemit parauniversitar në Republikën e Shqipërisë. Pra nxënësit nga klasa 1-12 do të mësojnë vetëm në shkolla dhe jo më online. Janë gjithsej gati 480 mijë nxënës të sistemit parauniversitar. Orët do të vazhdojnë të jenë të shkurtuara dhe turnet do të përcaktohen nga vetë shkolla, duke zbatuar me përpikmëri protokollin antiCovid. Ata që e pritëm më mirë këtë vendim të marrë nga Ministria e Shëndetësisë dhe ajo e Arsimit, ishin nxënësit e klasës së 9 që nga data 16 qershor deri në 25 qershor do t’u nënshtrohen Provimeve Kombetarë të Arsimit Bazë, si dhe maturantët që do zhvillojnë provimet e maturës nga data 3-15 qershor 2021.