Krerë republikanë, aleatë e rivalë potencialë të Donald Trumpit në garën për të nominuarin e partisë në zgjedhjet presidenciale të 2024-tës, I kanë dalë në mbrojtje ish presidentit pas deklaratave të tij se pret të arrestohet gjatë ditës së sotme. “Ideja se ndaj një ish kryetari shteti të SHBA-së mund të ngrihet aktpadi më trazon mua thellësisht, ashtu sic bën me dhjetëra milionë amerikanë të tjerë”, deklaroi ish zv/presidenti Mike Pence, I cili pritet gjerësisht të nisë brenda disa javëve fushatën e vet për nominimin republican.