Përqindja e atyre që urrejnë të dyja palët e politikës në SHBA është më e larta që prej vitit 1988, thuhej sot në një sondazh të analistëve të ‘Pew Research Center’ në SHBA. Sipas tyre, 25% e pjesëmarrësve kishin opinion negativ si për presidentin Joe Biden dhe rivalin e tij republikan Donald Trump; 36% përqind shihnin me më shumë avantazh Trump por jo Biden, ndërsa 34% mendonin të kundërtën. Sondazhi tregonte se refuzuesit e dyfishtë ishin shtuar ndjeshëm që prej vitit 1988 dhe thuajse dyfishuar prej vitit 2020, kur Biden e Trump u përballën për herë të parë si rivale direkt. Gjatë zgjedhjeve të 2020 numri i amerikanëve që përçmonin si Trump edhe Biden ishte në rreth 13%, sipas shifrave të Pew. “Opinioni negativ i dyfishtë është faktori i rënies së mbështetjes për të gjithë kandidatët, nga të dyja partitë”, thuhet në deklaratën e anketuesve pas sondazhit të kryer në datat 13-19 maj, para vendimit të fajësisë për të birin e Joe Biden, Hunter. Më 30 maj gjykata e New York shpalli Trump fajtor për falsifikim të dokumenteve në zgjedhjet e 2016 , ndërsa më 11 qershor, Hunter Biden u shpall fajtor për shkelje të ligjeve të armëmbajtjes.