Një sondazh i fundit i CNN tregon një drejtim pozitiv për kandidaten demokrate Kamala Herris dhe sugjeron se ajo ka më shumë mundësi të arrijë 270 vota elektorale se sa kishte presidenti Joe Biden kur ishte kandidati kryesor i demokratëve. Ky këndvështrim e kthen gjendjen e garës aty ku ishte në ditët e fundit të fushatës së vitit 2020, me shtatë shtete të fushëbetejës si terreni qendror ku kandidatët dhe fushatat e tyre do t’i kushtojnë pjesën më të madhe të kohës për të fituar Shtëpinë e Bardhë. Në sondazhin e mëparshëm CNN rendiste ish-presidentin Donald Trump me një avantazh të qartë në kërkimin e 270 votave elektorale. Por me hyrjen e zonjës Herris në garë dhe suksesin e saj të shpejtë në bashkimin e Partisë Demokratike, duket se projeksioni ka ndryshuar. Trump tani ka 24 shtete që e mbështeten, të cilat gjithsej i sjellin 219 vota elektorale, 51 vota më pak nga 270 që kërkohen për të fituar.