Në solidaritet me republikën Ceke, Sllovakia ka vendosur të dëvojë tre diplomatë ruse, e pohuar kjo nga vetë Kryeministri Sllovak Eduard Heger, dhe Ministri i Punëve të Jashtme Ivan Korčok. Sllovakia ishte vendi i parë i BE-së që u rreshtua hapur në krah të Cekisë që zbuloi së fundi se pas shpërthimit të depos së municioneve në në Vrbětice në 2014, mund të kenqë qenë dy agjentë rusë. "Sllovakia nuk mund të tolerojë veprimtaritë e përfaqësuesve të misioneve të huaja diplomatike që nuk respektojnë parimet mbi të cilat është rënë dakord," tha Heger për mediat. "Garantimi i sigurisë së qytetarëve është një nga detyrat më të mëdha të shtetit," shtoi ai. Diplomatëve rusë u janë dhënë 7 ditë kohë për tu larguar nga vendi. Tani pritet veprimet hakmarrëse të Rusisë, që mund të dërgojë dhe ajo në shtëpi tre diplomat sllovakë. Ministri Korcok sqaroi se vendimi i qeverisë erdhi bazuar në vlerësimin e aktiviteteve ruse, por edhe si shprehje solidariteti me Republikën Çeke. Partia sllovake e opozitës Hlas sakaq e kritikoi lëvizjen e ekzekutivit. Ajo shprehu keqardhjen që një hap i tillë serioz u mor pa u informuar parlamenti dhëe publiku, në një kohë kur bëhet fjalë për veprime që mund të kenë pasoja për vendin.