Një tufë prej të paktën 138 balena pilot u drejtuan dje nga peshkatarët në gjirin e gjuetisë në Ishujt Faroe ku më pas u vranë nga banorët në ritualin tradicional. Bregu i detit u skuq nga gjaku i kafshëve që kishin mbetur të bllokuara në gjirin Hvannasund, në ishullin më verior të arkipelagut. Tradita është një praktikë më shumë se 1,000-vjeçare e faroezëve, në të cilët peshkatarët rrethojnë tufën e balenave me barkat e tyre duke i drejtuar brenda hyrjes së ngushtë të gjirit. Kafshët e frikësuara më pas dalin në breg, ku peshkatarë e banorë i presin për t’i vrarë me mjete tw ndryshme. Më pas mishi dhe dhjami i tyre përdoren në produkte të shumta ushqimore në ishull duke siguruar një pjesë të mirë të furnizimit të sezonit. Llogaritjet treguan se të paktën 40 balena pilot u vranë në seancën e parë, të ndjekur nga një masë e dytë të dielën duke çuar numrin total në 138. Pamjet: AFP