Një tufë letrash të shkruara ku përshkruheshin detaje nga ajo çfarë kishte ndodhur por edhe elemente të tjerë që i jepeshin të miturës në fshatin Sheqeras nga 43 vjeçari Edison Sheme gjatë periudhës që abuzohej seksualusht prej tij tashmë janë në duart e prokurorisw ndërsa e gjithë familja e 16 vjeçares është në gjendje shocku. Një ngjarje tronditëse mbi të cilën motra e së miturës ka hedhur më shumë dritë përmes dëshmisë së saj që nga zbulimi i historisw e deri denoncimi rastit “Ngjarjen e motrës time e kam mësuar nga disa letra që ai i shkruante motrës time. Atje thuhej dmth që kishin kryer marrëdhënie, si takoheshin bashkë, dhe disa gjëra të tjera. Mbaj mend që e kam mësuar rreth vitit 2021 këtë histori. Në atë moment u shokova, nuk po e besoja dot. Po lexoja letrën dhe nuk dija se çfarë të bëja. Të them të drejtën, ishin goxha çfarë shkruheshin aty, por në ato që shkruante, thoshte që pasi të mbushësh 18 vjeç unë do të të marr dhe do të jetojmë bashkë. Ndërsa 16 vjeçarja me mbështetjen e prindërve ka gjetur guximin për të denoncuar abuzuesin e saj e motra rrëfen se ajo është e frikësuar pavarësisht ndihmës së psikologëve dhe mbështetjes së familjes “Ai ka qenë shoku i babit tim dhe vinte ndonjëherë këtu në stallë, përveç kësaj vinte merrte qumësht herë pas here tek ne. Të gjitha letrat i ka marrë prokuroria, kjo është prova e vetme që ne kemi dhe prova tjetër nuk ka ku të shkojë më, sepse ai u arratis. E tregon shumë haptazi që unë e kam kryer këtë vepër dhe jam larguar. Se po të ishte që nuk do ta kishte bërë, do kishte qëndruar si burrë dhe do ishte përballur”. Autori Edison Sheme vijon të jetë në arrati ndërsa organi hetimor ka sekuestruar serverin e kamerave të sigurisë që gjendeshin në magazinën ku ai punonte si saldator.