Në sulmin e rëndë që tronditi Pragën, kryeqytetin e Çekisë nuk raportohet të ketë të lënduar shqiptarë. Ministria e Punëve të Jashtme, thotë se është në kontakt të vazhdueshëm me ambasadën e Shqipërisë në Pragë. Sulmin e rëndë në universitetin Charles të Pragës, kryeminsitri Edi Rama e ka cilësuar monstruoz. Përmes një postimi në rrjetin social “X”, Rama shpreh ngushëllimet e tij për familjet e viktimave dhe thekson se Shqipëria dënon ashpër dhunën vdekjeprurëse dhe qëndron pranë miqve të saj çekë në këtë kohë të vështirë. Po ashtu reagime për ngjarjen e rëndë pati edhe nga Shtetet e Bashkuara të Amerikës dhe diplomacitë europiane. Shtëpia e Bardhë dënoi sulmin dhe tha se Shtetet e Bashkuara ishin të gatshme të ofronin ndihmë. “Presidenti dhe zonja e parë po luten për familjet që humbën të dashurit dhe të gjithë të tjerët që janë prekur nga akti i pakuptimtë i dhunës”, u tha gazetarëve sekretarja e shtypit e Shtëpisë së Bardhë, Karine Jean-Pierre. Pas sulmit të rëndë në Universitetin e Arteve në Pragë ka reaguar edhe Presidentja e Këshillit Evropian, Ursula von der Leyen. Me anë të një postimi në rrjetin social “X” presidentja e KE-së, tha se ishte e tronditur nga dhuna e pakuptimtë e të shtënave që mori disa jetë njerëzish në Pragë dhe shprehu ngushëllimet më të thella për familjet e viktimave dhe për popullin çek në tërësi. Ne qëndrojmë dhe vajtojmë me ju”, shkroi ajo në “X”. Kryeministrja italiane Giorgia Meloni, përmes në postimi në rrjetin social ‘X”, dënoi ashpërsisht "të gjitha format e dhunës dhe terrorizmit". “Europa ka për detyrë të reagojë dhe të forcojë çdo mjet të dobishëm për të garantuar sigurinë maksimale për qytetarët e saj”,- shkruan Meloni. Ndërsa Presidenti francez Emmanuel Macron ka shprehur mbështetjen e tij ndaj Çekisë dhe specifikisht ndaj familjarëve të viktimave dhe të plagosurve. Pamjet: AFP