Prokurori i Posaçëm amerikan, Jack Smith nuk ka të ndalur: Ai ka ngritur aktakuzë të re kundër ish-presidentit amerikan, Donald Trump, lidhur me dyshimet se është përpjekjet të përmbysë rezultatin e zgjedhjeve presidenciale të vitit 2020. Aktakuza e re e ngarkon Trumpin me të njëjtat akuza penale si e vjetra, por përmban disa ndryshime pas aktvendimit të Gjykatës Supreme se ish-presidenti gëzon imunitet të gjerë nga ndjekja penale. Aktpadia më e fundit fokusohet më shumë tek roli i Trumpit si kandidat politik që kërkonte rizgjedhjen, sesa si president i vendit asokohe. Në fillim të korrikut, Gjykata Supreme doli me vendimin se Trumpi gëzon imunitet nga ndjekja penale për veprimet që i kishte ndërmarrë si kryetar shteti. Zyra e Prokurorit të Posaçëm pretendon se aktakuza e përditësuar, e dorëzuar në gjykatën federale në Uashington, “pasqyron përpjekjet e Qeverisë për t’i respektuar dhe zbatuar vendimet e Gjykatës Supreme”. Kandidati republikan reagoi në platformën e tij Truth Social, Trump duke e cilësuar këtë lëvizje të fundit të prokurorit të Posacëm si një “akt dëshpërimi” dhe si “përpjekje për ta ringjallur gjuetinë e vdekur të shtrigave kundër tij”. Sipas Trumpit, aktakuza e re i ka “të gjitha problemet e aktakuzës së vjetr dhe duhet të hidhet poshtë menjëherë”.