Mëngjesi i sotëm nisi me shkëmbime sulmesh nga ana e Iranit dhe Izraelit, me regjimin e ajatollahëve që paralajmëron se tashmë i ka duart e lira “duart e lira” për t’i sulmuar objektivat amerikane pasi Shtetet e Bashkuara goditën objektet krtyesore atomike të tij. Izraeli ka aktkvizuar mbrojtjen e tij ajrore, që duket se ka arritur t`i frenojë raketat iraniane që më shumë kishin në shënjestër zonat veriore dhe qendrore të vendit, ndërsa qytetarëve iu kërkua të qëndronin në vendstrehime. Ndërkohë nga ana tjetër, bombardimet izraelite shkaktuan dëme në Teheran; shtëllunga gjigande tymi u panë të ngrihen mbi kryeqendrën e Iranit teksa Izraeli deklaroi se ka goditur shënjestrat e regjimit atje. Edhe dëshmitarë të rastit treguan për shpërthime të fuqishme. Në një deklaratë, forcat ajrore izraelite bënë të ditur se kishin nisur “një seri sulmesh ndaj objektivave ushtarake në Teheran”, pa dhënë më shumë hollësi mbi përmadat e tyre. Ndërkohë, televizioni shtetëror iranian raportoi se objekti bërthamor nëntokësor në Fordo, një nga pikat kryesore të sulmeve të fundjavës nga Shtetet e Bashkuara, u godit përsëri. Mediat izraelite, duke cituar burime të paidentifikuara, thanë se sulmet u kryen ndaj rrugëve që çojnë drejt kompleksit, dhe jo drejtpërdrejt mbi vetë objektin. Pas sulmeve amerikane ndaj Iranit, nga e gjithë bota kanë vërshuar thirrje për shtensionim të konfliktit dhe rikthimin tek gjetja e një zgjidhjejeje të konfliktit përmes rrugës diplomatike. Kësaj të fundit i mëshoi sot edhe shefja e diplomacvisë së Bashkimit Evropian, Kaja Kallas, e cila tha se “sShqetësimet për hakmarrje dhe përshkallëzimin e luftës janë të mëdha”, dhe nenvizoi se “sidomos mbyllja e ngushticës së Hormuzit nga Irani do të ishte diçka jashtëzakonisht e rrezikshme dhe nuk do të ishte e mirë për askënd”.