Pas Gjermanisë, edhe Franca po i hap rrugën rikthimit të shërbimit ushtarak vullnetar për 18 dhe 19-vjeçarët, lëvizje kjo që shihet si shenjë e ndryshimeve të mëdha nëpër Europën, mes sfidave të shtuara të sigurisë për kontinentin e vjetër. "Franca nuk mund të qëndrojë duarkryq", deklari presidenti Emmanuel Macron, ndërsa njoftoi se nisma hyn në fuqi nga mesi i vitit 2026. Ky plan i yni është frymëzuar nga praktikat e partnerëve tanë evropianë...në përgjigje të një kërcënimi që rëndon mbi të gjithë. Është një përpjekje e rëndësishme dhe e nevojshme. Ky veprim është pjesë e një ndryshimi të gjerë në të gjithë Europën, ku anëtarët e NATO-s që kanë gëzuar prej kohësh dekada paqeje janë të shqetësuar për ndryshimin e prioriteteve të Presidentit të SHBA-së Donald Trump dhe qëndrimin agresiv të Rusisë. Skema vullnetare do të jetë e hapur për 18 dhe 19-vjeçarë, të cilët do të paguhen. Shërbimi vullnetar do të zgjasë 10 muaj. Kostot do të jenë rreth 2 miliardë euro. Në vitin 2026 në skemën e shërbimit vullnetar pritet të marrin pjesë 3,000 vetë. Deri në vitin 2030 shpresohet që të dalin deri në 10,000. Rekrutët do të shërbejnë vetëm në tokën franceze.Pas kësaj periudhe pjesëmarrësit mund të integrohen në jetën civile, të bëhen rezervistë ose të qëndrojnë në ushtri. Sipas Macron, deri në vitin 2030 Franca synon të rrisë numrin e rezervistëve në 80,000 vetë. Më herët, edhe ministri i Mbrojtjes i Belgjikës u dërgoi letra këtë muaj 17-vjeçarëve duke i nxitur ata të marrin vitin e ardhshëm në konsideratë shërbimin ushtarak, duke synuar të zgjedhë 500 kandidatë të moshës 18 deri në 25 vjeç për një program që fillon në shtator.