Drejtori i CIA-s, Ëilliam Burns, shefi i Mossad-it, David Barnea dhe kryeministri i Katarit, Mohammed bin Abdulrahman Al-Thani u takuan me zyrtarë egjiptianë në Kajro të martën "për të diskutuar një armëpushim në Gaza", por bisedimet nuk kanë rezultuar të suksesshme. Bisedimet u zhvilluan në Egjipt një ditë pasi forcat izraelite liruan dy pengje në Rafah, qytetin e mbingarkuar përgjatë kufirit me Egjiptin, me një operacion gjatë të cilit u vranë të paktën 74 palestinezë, sipas zyrtarëve vendas të shëndetësisë dhe pati shkatërrim të gjerë. Ky operacion ofroi një pamje fillestare se si do të ishte një ofensivë e plotë tokësore. Marrëveshja e armëpushimit do t’i jepte popullsisë në Gaza një lehtësim të domosdoshëm në një kohë kur zyrtarët shëndetësorë të Hamasit thonë se më shumë se 28,000 njerëz janë vrarë. "Hamasi dhe fraksionet (e tjera militante) ishin të gatshme për të diskutuar cdo iniciativë që arrin t'i japë fund agresionit dhe luftës," tha një zyrtar i Hamasit për AFP në kushte anonimiteti, por me sa duket palët nuk mundën të hartojnë “një drafti përfundimtar” ku parashikoheshin gjashtë javë armëpushim.