Moska konfirmoi të enjten një takim javën e ardhshme mes Donald Trump dhe Vladimir Putin, në kuadër të bisedimeve mes dy vendeve për t’i dhënë fund luftës në Ukrainë. Nga ana e tij, edhe kryeministri ukrainas, Volodymyr Zelensky, kërkon takim me presidenti rus, Vladimir Putin. “Po punojmë me të gjithë partnerët tanë për t'i dhënë fund kësaj lufte dhe për të ndaluar vrasjet sa më shpejt të jetë e mundur”, u shpreh Zelensky. Ndërkohë, të enjten Presidenti Zelensky zhvilloi një bisedë telefonike edhe me kryeministrin shqiptar, Edi Rama, ku e informoi për situatën në frontin e luftës dhe zhvillimet e fundit diplomatike. “Pata një bisedë të mirë me Kryeministrin e Shqipërisë, Edi Rama. Diskutuam mbi përgatitjet për takimet në qendrat e mëdha ndërkombëtare. Këto do të jenë formate të veçanta angazhimi me partnerët. Do të bëjmë gjithçka për të mbrojtur popullin tonë. Faleminderit, Edi, faleminderit, Shqipëri, për mbështetjen tuaj të palëkundur për Ukrainën”, u shpreh Zelensky. Kjo bisedë telefonike vjen vetëm një ditë pas takimeve intensiv dhe diskutimeve që i dërguari i SHBA-ve pati me presidentin rus, Vladimir Putin, bisedës së këtij të fundit me presidentin amerikan Donald Trump dhe angazhimin e kreut të Shtëpisë së Bardhë për të negociuar paqen mes dy vendeve në takim trepalësh në një nga vendet negociatore të paqes. Trump ka deklaruar se javën e ardhshme po përgatit një takim me Putin dhe më pas një trepalësh Putin-Trump-Zelensky.