Qeveria ka nxjerrë për konsultim publik një strategji 7 vjeçare që synon deri në 2030-ën vendi të ketë përafruar ligjet e sigurisë ushqimore dhe mbrojtjes së konsumatorit me BE. Në këtë aspekt strategjia përcakton tre objektiva madhorë, miratimin e 140 akteve ligjore dhe nënligjore, rritja e burimeve njerëzore për të forcuar kapacitetet institucionale, krijimi i një sistemi monitorimi efektiv. AKU është institucioni më i rëndësishëm sa i përket sigurisë ushqimore. Një nga problemet kryesore që paraqiten për institucionin janë mosgjenerimi i statistikave të inspektimeve, digjitalizimi dhe mungesave e infrastrukturës në drejtoritë rajonale, për marrjen e mostrës, garantimin dhe dërgimin e tyre në laboratorët respektiv. Ekspertët kërkojnë gjithashtu vëmendje edhe te disa faktorë të tjerë në hartimin e strategjisë.