Të shtënat në mbrwmjen “gala” me korrespondentët e Shtëpisë së Bardhë kanë ngjallur shumë pyetje në lidhje me sigurinë, se si një person i armatosur deri nw dhwmbw arriti t'i afrohej vendit ku ishin mbledhur Donald Trump dhe shumë zyrtarë të tjerë të lartë të administratës. Pak para të shtënave në hotelin Washington Hilton autori i dyshuar, Cole Tomas Allen, 31 vjeç, tallej me mungesën "e çmendur" të sigurisë në darkën e Uashingtonit në një mesazh që thuhet se iu dërgua familjes së tij 10 minuta para se të fillonte sulmi. “Hyr brenda me disa armë dhe asnjë person atje nuk e merr në konsideratë mundësinë që unë përbëj kërcënim”, thotë i dyshuari në mesazhin që i kishte dërguar familjes dhe që është siguruar për herë të parë nga “New York Post”. 31-vjeçari i arrestuar nuk e ka fshehur asnjëherë antipatinë ndaj Trump dhe administratës së tij. Allen, një i diplomuar në inxhinieri elektronike, tha se “ky nivel paaftësie është i çmendur dhe shpresoj sinqerisht se do të korrigjohet deri në kohën kur ky vend të ketë përsëri një lidership vërtet kompetent”, kishte shkruar ai. Ndwrkaq, Mike Lawler, një kongresmen republikan nga Nju Jorku, i cili ishte në darkë deklaroi se “Duhet të ketë ndryshime të mëdha, pasi Ky i çmendur mund të kishte hyrë në çdo ngjarje tjetër para darkës dhe të kishte shkaktuar viktima masive.” Prokurori i përgjithshëm në detyrë, Todd Blanche, konfirmoi se forcat e rendit besojnë se i dyshuari po synonte zyrtarët e administratës “me shumë mundësi duke përfshirë edhe presidentin” bazuar në një vlerësim paraprak.