Top Channel/ Si nisi saga e vrasjeve Nikulaj-Lekstakaj! Nga debati për 10 mijë lekë, në 8 viktima
28/08/2024 23:06

Historia e përplasjeve mes fiseve Nikulaj dhe Lekstakaj e ka zanafillën 28 vite më parë. Në vitin 1996, ku konflikti nisi në një karburant në dalje të qytetit të Lezhës për 10 mijë lekë të vjetra. Vëllai i Ardian Nikulaj bashkë me një person tjetër ishin shitës në këtë karburant dhe një nga pjesëtarët e familjes Lekstakaj po furnizonte makinën. Pas furnizimit me karburant shitësit kanë debatuar me drejtuesin e mjetit me pretendimin se nuk kishte bërë pagesën prej 10 mijë lekësh të vjetra të furnizimit me karburant. Pas debatit verbal drejtuesi i mjetit është larguar, duke u rikthyer i armatosur disa minuta më vonë dhe ka qëlluar në drejtim të dy punonjësve duke i lënë të vdekur në vend mes të cilëve edhe vëllanë e Ardian Nikulaj. Dy viktimat ishin Pëllumb Nikulaj, dhe Fran Qulaj. Aty nis dhe historia e gjakmarrjes, ku pak muaj më vonë vriten Gëzim Lekstakaj dhe Laurent Gjetja, i cili ishte nip i familjes. Ndërsa në vitin 1999 vritet Gjovalin Lekstakaj dhe plagoset rëndë Pjetër Lekstakaj. Lekstakajt pritën plot dy dekada për të menduar vrasjen e radhës, atë të Ardian Nikulajt. Në një atentat të mirëmenduar ai u vra më 19 prill 2023 në lokalin e tij në Shëngjin. Disa ditë më parë Britania e Madhe vendosi ekstradimin e Edmond Haxhisë, Thomas Mithën, Herri Simpson the Harriet Bridgeman. Nuk u mor vendim ekstradimi për Steven Hant, pasi është diagnostikuar me kancer. Haxhia akuzohet nga prokuroria e Lezhës se ishte truri i organizmit dhe krijimit të kushteve për vrasjen e Ardian Nikulajt. Edmond Haxhia është kushëri me Elton dhe Klodian Lekstakaj, në hasmëri me Nikulajt. Në aktakuzë prokuroria e Lezhës thotë se katër britanikët e tjerë udhëtuan nga Anglia në Shëngjin për ta mbajtur viktimën nën survejim e më pas i çonin informacion Ruben Saraivës i cili e goditi për vdekje me 6 plumba Nikulajn. Ndërkohë në 19 korrik të vitit 2023 u ekzekutua me armë zjarri në Balldre të Lezhës Nikolin Lekstakaj. Pista kryesore e vrasjes së 42-vjeçarit është hasmëria mes dy fiseve. Viktima nuk i druhej ndonjë atentati të mundshëm pasi lëvizte lirshëm. Ai i kishte shpëtuar dhe një atentati tjetër në vitin 2012 ku ishte vënë eksploziv në makinë dhe ende mbetet ngjarje e pa zbuluar. Entjan Nikulaj është viktima e fundit brenda pak muajve mes fiseve Nikulaj dhe Lekstakaj. Vrasja ndodhi në dhjetor të 2023 përballë Ujësjellësit të Lezhës, në vendin e quajtur “Ura e Trenit”. Persona të paidentifikuar qëlluan me armë zjarri në drejtim të automjetit që drejtohej nga 40-vjeçari Nikulaj. 40-vjeçari ishte kushëri me biznesmenin Ardian Nikulaj. Ndërsa në vendin e ngjarjes u gjetën rreth 25 gëzhoja automatiku, dyshohet se në këtë atentat janë përfshirë tre persona. Makina e përdorur në atentat mbante targa të vjedhura në Tiranë. Mjeti u gjet duke i djegur në afërsi të Rinasit, pak orë pas ekzekutimit. Brenda “BMW-së” ngjyrë gri ndodhej edhe arma tip automatik, që mund të jetë përdorur në vrasjen e Nikulajt.

Top Channel/ Sherr në Korçë! Tre të plagosur
31/08 23:05
Top Channel/ Kina mbledh “rivalët” e Trump, çfarë pritet nga samiti
31/08 22:59
Top Channel/ Sherr masiv në Korçë! Tre të plagosur me thikë
31/08 22:56
Top Channel/ E diel tragjike, 2 të vdekur e 3 të plagosur rëndë nga aksidentet
31/08 22:41
Top News -Protesta kundër emigrantëve në Australi. Mijëra dalin në shesh. Qeveria i dënon si naziste
31/08 22:30
Top Channel/ Vijon goditja ndaj “Zërit të Amerikës”, shkarkohen 500 punonjës të tjerë
31/08 22:10
Top News – Frigatat britanike në Norvegji. Marrëveshje miliarda eurosh për 5 anije luftarake
31/08 22:00
Top Channel/ Shifra tronditëse nga Gjermania, mbi 3 milionë të papunë!
31/08 21:56
Top Channel/ Aksident me 3 të plagosur në Lezhë! Makina përmbyset anës rrugës
31/08 21:34
Top News – Rusia lë pa drita ukrainasit. Sulme me dronë e raketa ndaj infrastrukturës energjitike
31/08 21:01
Top News – Stuhia paralizon qytetet greke. Probleme në Korfuz dhe në zonat në kufi me Shqipërinë
31/08 20:04
Top Channel/ Rusia bombardon rrjetin energjetike të Ukrainës, mijëra banorë në terr
31/08 19:28
Top Channel/ Stuhia shkatërron Greqinë, dëme kolosale në disa zona
31/08 19:27
Top News-Propozimi për zonë të çmilitarizuar.Zelensky kundër-Ata që e thonë, s’njohin luftën moderne
31/08 17:50
Top News – Pas pezullimit, kërkon mbylljen. Trump propozon shkarkimin e 50 punonjësve të VOA
31/08 16:39
Top Channel/ Fiku i Roshnikut / Berat. Fermerët që punojnë për të kultivuar varietetin autokton
31/08 15:18
Top Channel/ Në 15 vite infarktet u dhjetëfishuan / Mjekët thonë se shkak është bërë jeta sedentare
31/08 15:10
Top Channel/Çfarë do bëjë PD në Kuvend? Ivi Kaso: S’kemi luksin që të braktisim asnjë llogore beteje
31/08 14:58
Top Channel/ Zgjedhjet edhe njëherë në Kolegj/ PD vendos të ankimojë rezultatin final
31/08 14:57
Top Channel/Rama: 30 shkolla të reja/Kryeministri: Me 8 shtator, do të presin 8 mijë nxënës e mësues
31/08 14:44