Një ekip menaxhues është duke hartuar një draft të statutit të Asociacionit të komunave me shumicë serbe dhe brenda dy javësh do të prezantohet. Megjithatë misterioze deri në këtë pikë mbeten anëtarët e këtij ekipi, përveç udhëheqëses Danijela Vujiçiq, anëtarësinë e së cilës e konfirmoi vetë kryenegociatori Besnik Bislimi. Vujiçiq është deputete në Kuvendin e Serbisë nga partia Përparimtare Serbe e presidentit serb Aleksandar Vuçiq. Katër anëtarët e tjerë ende nuk dihet se kush janë, nga Qeveria e Kosovës nuk dhanë përgjigje gjatë së shtunës për përbërjen e ekipit. megjithatë është bërë e ditur se dy prej anëtarëve në vazhdimësi janë ndërruar e dy kanë mbetur që nga fillimi. Sa i përket përbërjes së ekipit që harton draftin e statutit të Asociacionit, njohësit thonë se qeveria duhet të ketë kujdes.