Ish-president i Republikës Italiane, Georgo Napolitano ka ndërruar jetë këtë të premte në moshën 98-vjeçare. Lajmi u bë i ditur nga zyra e kryeministres Giorgia Meloni duke shprehur dhe ngushëllimet e qeverisë italiane për familjen e Napolitanos. I lindur në Napoli në vitin 1925, ai ishte Presidenti i njëmbëdhjetë i Republikës së Italisë Napolitano u zgjodh President i Republikës më 15 maj 2006 dhe më pas për herë të dytë më 22 prill 2013, në këtë rast duke qëndruar në detyrë për më pak se dy vjet. . Si president ai ndihmoi Italinë të kapërcente një krizë borxhesh në 2011 ndërsa krijoi një marrëdhënie të ngushtë me Papa Benediktin XVI dhe ishte një nga të paktët njerëz që ishte paralajmëruar paraprakisht për dorëheqjen tronditëse të Benediktit në shkurt të vitit 2013. Më 21 maj 2022, ish-Presidenti italian i'u nënshtrua një operacioni dhe u shtrua për nëntë ditë në spitalin Spallanzani në Romë. Ndërsa më herët më 24 Prill 2018 ai u operua për mosfunksionim të pjesshëm të aortës. Gjatë karrierës së tij politike ish-presidenti italian ka vizituar dy herë Shqipërinë. Në mars të vitit 2014 në atë kohë President i Italisë, Napoletano ishte në një vizitë zyrtare në Shqipëri gjatë të cilës u dekorua me Urdhrin e Flamurit. Kurse vizita e tij e parë në Shqipëri ishte në voton 1996 ku vizitoi Tiranën si ministër i Brendshëm i qeverisë së Romano Prodit. Pamjet: AFP