Ka ditë që në Greqi konsumatorët që përballen me një valë të paprecedentë të rritjes së çmimeve kanë hasur në shumicën e supermarketeve të ashtuquajturën "shportën shtëpiake" , një skemë të Ministrisë së Zhvillimit e cila shtyn të gjithë zinxhirin ushqimor të mbajë nën kontroll rritjen e cmimeve të artikujve të përditshëm,madje duke sjellë edhe ulje të vogla çmimesh. E nisur në fillim me skepticizëm skema ka filluar të funksionojë për shumë artikuj të produkteve të dorës së dytë, ndërsa artikujt e firmave kryesore ende vazhdojnë të kenë çmime të larta. Madje këtë javë deri në datën 4 janar ,është krijuar edhe një shportë Krishtlindjesh me artikuj kryesisht që konsumohen këto ditë festash.