Shtetet e Bashkuara të Amerikës paralajmërojnë për në sulm të mundshëm nga Irani drejt Izraelit. Irani po përgatitet të nisë menjëherë një sulm me raketa balistike ndaj Izraelit, sipas një zyrtari të lartë të administratës amerikane, i cili paralajmëroi për “pasoja të rënda” nëse ky sulm ndodh. Zëdhënësi i Forcave të Mbrojtjes të Izraelit (IDF) Daniel Hagari tha se IDF është në gjendje të lartë gatishmërie dhe se një sulm iranian ndaj Izraelit do të kishte pasoja. Prej pothuaj një viti, situata në Lindjen e Mesme është shumë e nxehtë për shkak të luftës në Rripin e Gazës, si dhe nga sulmet e njëpasnjëshme të Izraelit ndaj Libanit gjatë muajit shtator. Një tjetër shkak dyshohet të jetë vrasja e liderëve të Hamasit dhe Hezbollahut nga Izraeli. Pasi Shtetet e Bashkuara të Amerikës paralajmëruan se Irani do të sulmojë Izraelin, vjen dhe reagimi nga Benjamin Netanyahu. Kryeministri izraelit po përgatit njerëzit popullin e tij që një sulm të mundshëm me raketa nga Irani. Në një videomesazh, Netanyahu thotë se “Të ndjekim udhëzimet e ushtrisë dhe për ta kapërcyer këtë fazë së bashku. Vetëm së bashku jemi të fortë dhe do të fitojmë”. Sipas paralajmërimit nga zyrtari i lartë amerikan, nëse sulmi ndodh vërtetë, do të ketë “pasoja të rënda”. Zëdhënësi i Forcave të Mbrojtjes të Izraelit (IDF) Daniel Hagari tha se IDF është në gjendje të lartë gatishmërie dhe se një sulm iranian ndaj Izraelit do të kishte pasoja.