Teksa vetëm pak ditë na ndajnë nga zgjedhjet presidenciale në SHBA, sondazhet vijojnë të bëjnë punën e tyre për të parë se kush është favoriti kryesor për të fituar. Në sondazhin e krijuar nga portali i njohur “Polymarket”, Donald Trump vijon të udhëheqë dhe tashmë më bindshëm se kurrë. Republikani udhëheq me 66.4%, një rekord që nga nisja e këtij sondazhi, teksa Harris deri më tani ka vetëm 33.7%. Trump gjithashtu po udhëheq në shtetet e lëkundura, teksa Miçigani është e vetmja që është e ndarë në mënyrë të barabartë. Në disa shtete, votimet kanë nisur, teksa presidenti i ardhshëm i SHBA-së do të mësohet pas datës 5 nëntor. Ndërkohë dy kandidatët kanë nisur heshtjen zgjedhore, pasi mbyllën përfundimisht fushatën. Republikani Trump e mbylli përfundimisht ditën e diel, ndërsa demokratja Harris një ditë më parë. Tashmë 5 nëntori do të vendosë përfundimisht se cili prej tyre do të kalojë në drejtimin e Shtëpisë së Bardhë, me Kamala Harris si drejtuesja e parë grua, dhe Donald Trump që do të rikthehet në postin e provuar një herë, por tashmë me plane të reja.