Ligjvënësit në Dhomën e Përfaqësuesve të Karolinës së Jugut miratuan projektligjin që lejon skuadrat e pushkatimit të zbatojnë dënimet me vdekje dhe e bën karrigen elektrike mënyrën më të mundshme të ekzekutimit. Ndryshimi i mundshëm në ligjin e Karolinës së Jugut vjen në një kohë kur shtetet në mbarë SHBA-në kanë hasur në pëngesa lidhur me ekzekutimin e atyre që kanë marrë dënimin kapital për shkak të problemeve me administrimin e injeksioneve vdekjeprurëse, metoda më e përhapur dhe e preferuar në vend. Vështirësitë për të gjetur ilaçet e nevojshme kanë bllokuar në thelb ekzekutimet në shumë shtete, përfshirë Karolinën e Jugut, e cila nuk ka ekzekutuar më askënd që prej vitit i 2011. Injeksioni vdekjeprurës dhe goditja me energji elektrike janë dy zgjedhjet aktuale që i jepen një të dënuari me vdekje në Karolinën e Jugut, dhe nëse një i burgosur merr injeksion vdekjeprurës, atëherë ky shtet, thotë CNN nuk është në gjendje ta kryejë ekzekutimin e tij. projektiligji i ri e ndryshon mënyrën e paracaktuar të ekzekutimit duke e kthyer atë në goditje elektrike nëse injeksioni vdekjeprurës nuk mund të administrohet, dhe i ofron të burgosurit alternativën e vdekjes nga skuadra e pushkatimit.