Zëvendësndihmës sekretari amerikan i Shtetit për Evropën dhe Euroazinë, Gabriel Escobar tha se Kosova ka pasur të drejtë të vendosë reciprocitetin, por Washingtoni u befasua me mënyrë e zbatimit të këtij vendimi. “Dialogu i udhëhequr nga BE-ja është vendi i duhur për të gjetur zgjidhjen dhe falënderoj të dërguarin e Posaçëm të BE-së, (Mirosllav) Lajçak dhe ekipin e tij për punën e madhe që kanë bërë”, u shpreh Escobar në Bruksel. “Mësimi është që në partneritet me BE-në mund të bëjmë një përparim në ndihmën e Ballkanit që të integrohet më shumë me BE-në pas një periudhe të vështirë në të cilën kaloi rajoni”, shtoi ai. Sa i përket dialogut mes Kosovës dhe Serbisë, Escobar, njëherazi i dërguar i Departamentit amerikan të Shtetit për Ballkanin Perëndimor, tha se ka ende shumë punë për t’u bërë dhe se varet nga vullneti politik i palëve. Kur u pyet se a kanë qenë të informuar nga pala kosovare se do ta vendosin masën e reciprocitetit për targat me Serbinë, zyrtari amerikan tha se “Kosova ka pasur të drejtë ta bëjë këtë”, por vetëm mënyra e zbatimit të vendit i zuri në befasi. “jam i lumtur megjithatë që e siguruam uljen e tensioneve”, shtoi zyrtari i lartë amerikan.