Video të regjistruara nga gjeologët në Tonga tregonin sot masën e përbindshme të hirit që ngrihej nga kombi ishull Tonga pas shpërthimit vullkanik. Dy ditë pas shpërthimit të vullkanit që shkaktoi një tsunami në jug të paqësorit, në vend janë ndërprerë interneti dhe telefonët çka vështirëson ardhjen e lajmeve. Vetëm disa fragmente informacioni me anë të telefonëve satelitorë kanë dalë nga vendi ku banojnë rreth 100,000 njerëz. Imazhet e vullkanit ishin qartësisht të dukshme nga pamjet e dërguara prej satelitëve mbi tokë. Ato tregonin një shpërthim të fuqishëm gazi e tymi që ngrihej në qiell prej oqeanit. Shërbimet gjeologjike në Tonga thonin se shtëllunga arriti në 30 km lartësi dhe një gjerësi prej rreth 700km. Shërbimet meteorologjike në Zelandën e re kishin regjistruar parametra “shume te pazakonta” te presionit atmosferik. Nje alarm tsunami u leshua gjithashtu per shtetet amerikane te Kalifornise dhe Alaska.