Një ngjarje e rëndë ka ndodhur në Athinë ku një shqiptar 39 vjeç ka vrarë me çekiç gruan e tij dhe ka fshehur trupin e saj për një javë në papafingon e shtëpisë. Kastriot Cenko, i ka marrë jetën bashkëshortes së tij, Alba Cenko dhe pas disa ditëve ka njoftuar policinë për krimin. Ngjarja ka ndodhur në lagjen Ampelokipi të shtetit fqinj dhe autori është prangosur menjëherë, ndërsa në papafingon e shtëpisë është gjetur i futur në një qese të zezë të madhe, trupi i bashkëshortes së tij. Autori pretendon se gruaja e tij kishte lidhje jashtëmartesore me një burrë nga rrethi i tij i miqve. Kastriot dhe Alba Cenko janë prindër të dy fëmijëve, 9 dhe 12 vjeç. Krimi është kryer kur ata kanë qenë në shkollë dhe dy të miturit nuk kanë marrë vesh asgjë për rreth një javë. Nga dëshmitë paraprake fqinjët kanë deklaruar se nuk kanë dëgjuar asnjëherë sherre mes çiftit, ndërsa autori Kastriot Cenko i ka thënë policisë se e masakroi me çekiç dhe me grushte bashkëshorten për shkaqe xhelozie. Pesë ditë më parë një tjetër 46-vjeçar shqiptar në Greqi qëlloi me thikë për vdekje bashkëshorten e tij dhe plagosi djalin e saj 21 vjeçar.