Të hënën nisi punën edicioni i 41-të i Seminarit Ndërkombëtar për Gjuhën, Letërsinë dhe Kulturën Shqiptare Mbi 100 mysafirë nga e gjithë bota kanë ardhur për të mësuar shqipen në tri nivele. Temat bosht janë “Shqipja në rrezik” dhe “Letërsia shqipe dhe interkulturalizmi”. Drejtori i seminarit, profesori Bardh Rugova, pati kritika për autoritetet, duke shtuar se ndikimi i seminarit shtrihet në tri fusha, ai kulturor, arsimor e studimor si dhe ai integrues. DEK Bardh Rugova - profesor “Seminari mundëson shkëmbime kulturore të tjera, mundëson përfaqësime kulturore të albanologjisë në botë dhe përkthime të veprave nga gjuha shqipe në gjuhe të ndryshme të botës. Ndikimi i dytë është arsimore e studimor, pjesa më e madhe e departamenteve të shqipes dhe ballkanistikës në botë drejtohen e udhëhiqen nga nxënës të dikurshëm të këtij seminari.” Rektori i Universitetit të Prishtinës Qerim Qerimi e ka vlerësuar si ngjarje të madhe seminarin e përvitshëm. DEK Qerim Qerimi – Rektor, UP “Ky seminar kësisoj konsiderohet një dritare e hapur e lidhjes së albanologjisë me botën e jashtme, është ura e krijimit të miqësive dhe e marrëdhënieve dhe marrëveshjeve të reja, është auditoriumi ku janë paraqitur shumë rezultate të rëndësishme shkencore dhe janë diskutuar e shqyrtuar e testuar tema të mëdha që kanë të bëjnë me gjuhën, letërsinë dhe kulturën dhe të kaluarën e saj monumentale”